Dëshmia për Përcjelljen e asaj që u është urdhëruar të përcjellin te krijesat: Dëshmia e përmendur më sipër është pikërisht dëshmia për domosdoshmërinë e kësaj cilësie të tretë.

Dëshmia për Mundësinë e Cilësive Njerëzore tek të Dërguarit e Allahut (paqja dhe bekimi qofshin mbi ta): Dëshmia se është e mundshme që të Dërguarit e Allahut të kenë cilësi njerëzore është fakti se këto cilësi vërehen tek vetë ata. Këto cilësi shfaqen:

• për t’ua shtuar shpërblimin;
• për qëllime ligjvënieje;
• si mjet për t’u mësuar të tjerëve indiferencën ndaj çështjeve të kësaj bote;
• ose për të treguar vlerën e ulët të kësaj bote te Allahu i Lartësuar dhe mospëlqimin e Tij që ajo të jetë vend shpërblimi për Profetët dhe të Dashurit e Tij (paqja dhe bekimi qofshin mbi ta).