Në Kur’anin Famëlartë është ndaluar martesa me nënat e gjirit dhe vëllezërit/motrat e gjirit. (Nisa: 23) Po ashtu, Profeti Muhamed ﷺ ka thënë: “Ajo që është e ndaluar për shkak të prejardhjes (gjakut), është e ndaluar edhe për shkak të qumështit.” (Buhârî, Şehâdât, 7 [2645]; Müslim, Radâ‘, 12 [1447])
Sipas shumicës së dijetarëve të fikhut, qumështi që fëmija thith brenda dy viteve të para të jetës, qoftë pak apo shumë, është i mjaftueshëm për krijimin e afërsisë farefisnore nga gjidhënia. Sipas kësaj, vajza dhe djali që kanë thithur qumësht nga e njëjta grua, qoftë edhe vetëm një herë brenda moshës dy vjeçare, nuk lejohet të martohen me njëri-tjetrin. (Serahsî, el-Mebsût, 5/137; Kâsânî, Bedâ’i, 4/8)
Ndërsa dijetarët e medhhebit Shafi‘ij dhe Hanbelij janë të mendimit se, që të krijohet afërsia farefisnore nga qumështi, është kusht që foshnja, brenda dy viteve të para, ta thithë qumështin pesë herë të ndara, në atë mënyrë që të ngopet dhe ta lërë vetë gjirin.
(İbn Kudâme, el-Muğnî, 8/171; Şirbînî, Muğni’l-muhtâc, 5/130–131)
Këshilli i Lartë për Çështje Fetare
12.07.2017